Lahıcı məşhur edən həm də onun alimləridir. Aparılan tam olmayan hesablamalara görə Lahıc alimlərinin sayı 500 nəfərdən çoxdur.
Əlbəttə Lahıc alimlərinin flaqmanı Akademik Soltan Cəfər oğlu Mehdiyevdir.
Soltan Mehdiyev kimya elmləri doktoru, professor, Azərbaycan Elmlər Akademiyasının həqiqi üzvü olmuşdur.
Soltan Mehdiyev Akademik Yusif Məmmədəliyev, Akademik Əli Quliyev və başqa dünya şöhrətli kimyaçı alimlərlə çiyin-çiyinə çalışmış, yüksək oktanlı aviasiya benzininin kəşf edilməsində müstəsna rol oynamışdır.
O, şox böyük elmi irs qoyub getmişdir. Onun yetirmələri hazırda Azərbaycanın aparıcı kimyaçılarıdırlar.
Azərbaycan Milli Elmlər Akademiyasının Yusif Məmmədəliyev adına Neft və Kimya Prosesləri İnstitutunda Soltan Mehdiyevin çalışdığı laboratoriya bu gün onun adını daşıyır.
Soltan Mehdiyev alimlər nəslindəndir: Onun dörd oğlu alim olmuşlar. Qardaşları Ağa Mehdiyev xalq rəssamı, Əlövsət Mehdiyev tibb elmləri doktoru, professor olmuşlar.
2012-ci ildə Soltan Mehdiyevin anadan olmasının 100 illik yubileyi respublika səviyyəsində qeyd edilmişdir.
Yorumlar
Yorum Gönder