17 Nisan 2018 Salı

Lahıc Alimleri - Ağa Mir Abbas Mir Qədirov

Lahıcda müasir tipli rus-tatar məktəbi 1888-ci ildə yaradılmışdır. Bu məktəbin artıq 128 yaşı vardır. Lakin bu o demək deyildir ki, bundan əvvəl Lahıcda məktəb olmamışdır. 

Lahıcda məktəbin tarixi 1000 ildən çoxdur. Bu məktəblər əsasən dini məktəblər olmuşdur. Lakin burada da dünyavi elmlər tədris olunmuşdur.

Həmin dövrlərdə Lahıcda xeyli alimlər də yetişmişdir. O vaxt təhsilin ən yüksək mərtəbəsi Nəcəf şəhərində təhsil almaq olmuşdur ki, bu təhsilin müddəti 25 il olmuşdur. Nəcəfi qurtaranların hərəsi elmin bir sahəsi üzrə alim adı alırlarmış. Dəqiq olmayan mənbələrə görə Lahıcdan Nəcəfdə oxuyanların sayı 35 nəfərə qədər olmuşdur. 

Ağa Mir Abbas Mir Qədirov


Şəkildə gördüyünüz Ağa Mir Abbas Mir Qədirov -dur. O, 25 il Nəcəfdə təhsil aldıqdan sonra Azərbaycana qayıtmışdır. O, fəlsəfə sahəsində təhsil almışdır. İkinci Dünya Müharibəsindən sonra Lahıcdan Gəncəyə köçmüş və uzun müddət Gəncə və Gəncbasarın axundu olmuşdur (bəzən Şeyxülislam adlanmışdır). Bu zonada böyük nüfuza malik olmuşdur. 1956-cı ildə vəfat etmişdir. Qəbiri İmamzadə qəbirstanlığındadır. Oğlanları, qızları və nəvələri Gəncədə yaşayırlar.


EmoticonEmoticon